Гӏалгӏайчен дешархой чӏоаггӏа безам тӏабаха ӏомадеш ба, Россе вай заман истори
Гӏалгӏайчен юкъарча дешара моттигашка кхетаченаш дӏайихьар, уж хетаяь яр Донецки, Лугански Халкъа Республикаш, Запорожски, Херсонски областаш Российски Федерацех хьакхийттача Денна, яхаш, дийцар «Сердало» газетага «Бералла наькъаш» яхача Ерригроссийски проекта медиа-говзанчас Коазой Мадинас.
«Тов бетта 30 Ди Россе бахархошта цӏай да, цо чӏоагӏду халкъ цаӏ хилар, иштта кхерамзле йолаш, машар болаш укх дунен тӏа из даха ловш хилар. Исторе ди хилара сийна, кулгалхой кхетам балара гӏончаша ишколай, колледжий дешархошца цхьана «Истори юхадоаладар» яха истола тӏара ловзар дӏадихьар.
Из дагадехараша лаьрхӏа хиннар дар дешархошта вай Даьхен лоархӏамедар довзийтар»,-аьлар хоамо.
Из доацаш а, дешархой хьежар халкъа фаьлгашка, исторе доакъошка, фаьлга тӏара юхь ловзаераш юкъе а боахаш, «Фаьлгий никъ» яха кхетаче дӏаяхьа. Дика бовзаш хилар зӏамагӏа долча берашта юкъе дӏабихьа «Нийсархочунга каьхат» яха болам, из дӏахьош, цар шоай уйлаш тӏайола каьхаташ яздир, цул тӏехьагӏа почтага гӏолла дӏадахьийтар.
Теманна чудоагӏаш хинна дакъа чакхдоалаш; хьехархоша, «Хьалхарчар болама» хьалхалаттараша «Доттагӏала оагӏув» яха Ерригроссийски болам вӏашагӏбеллар. Иштта берий таро хилар, кхыча регионашца телебувзама балха юкъе дакъа лаца.
