«Зарница 2.0» яхача ловзаре дакъа лоацаш хургба вай дешархой
21.03.2025 09:52
«Зарница 2.0» яхача ловзаре дакъа лоацаш хургба вай мехкара дешархой. «Хьалхарчар болам» яхача оагӀоно укх деношка хьахержар доакъашхой. Из хоам «Сердалога» бир цу моттигера.
«Хьалхарча даькъе шоай дегӀа низ, кадай хьовзар, говзал дӀахьокха езаш дар бераш.
Геттара чӀоагӀа раьза долаш, ше-ше тӀехвала гӀерташ, дар уж», - дийцар тхога «Хьалхарчар болам» яхача оагӀон доакъашхо волча Налганаькъан Рамзана. Эггара дикагӀа лайза, толашагӀа йола тоабаш дӀахо дӀагӀоргйолаш хьахержар.
