ГӏалгӀайчен дешархой дакъа лоацаш хургба, «Седкъа» яхача олимпиаде
04.10.2025 22:11
Хӏанз республикан дешархой таро йолаш ба дакъа лаца, «Седкъа» яхача дукхача доакъоех латтача инженерий олимпиаде. Цу хьакъехьа бартчӀоагӀо йир «Седкъа» яхача МИО федеральни координатора викало Болотина Юляс, иштта ГӏалгӀай Республикан дешара, Ӏилман министра Цхьорой Ахьмад-Башира, яхаш, дийцар «Сердало» газетага кхаьчача хоамо.
Кхетаче дӀахьош, дийцар республикан ишколашка олимпиада вӀашагӀйолларах, дӀаяхьарах долда керттера дешаш.
«Шин оагӀоно цхьана бувзам лелабеш, дӀахьош болча балха, ГӏалгӀайчен дешархой инженерий олимпиаде дукхагӀа юкъебаха таро хургья, вай начӀал дола кагирхой технически Ӏилма довзара тӀакхувш хургболаш»,-аьлар ГӏалгӀай Республикан дешара, Ӏилман Министерстве.
