Дешархоша дицдац, боккхагӀчар ноахала карагӀдаьннар
21.04.2024 18:52
ТӀема сийлен шахьара МагӀалбика №20 йолча ишкола дешархой, моттигерча единороссашца цхьана, Тирка дукъ тӀа бахар. МагӀалбика тӀагӀерта хинна моастагӀа юхатохача; денал, майрал гойташ байна салтий дӀабехка боахкача №2 йолча вежарий кашамашка лостам бе лаьрхӀадар цар.
«Вай шахьаре, геттара чӀоагӀа низах виза тӀавоагӀа моастагӀа юхатоха уж цаӀ санна эттар, шоай синош дӀаденнад вай мехка кортамукъале бахьан долаш, цӀаккха а дицдергдац вай боккхагӀчар ноахала карагӀдаьннар», - аьлар «Сердало» газетага.
Укх наькъа Тирка дукъ тӀа бахар нийсделар цар, Даьхе лораеш байнарий кашамашка болхачарца цхьана.
