Дешархой, цӀайца дувзаденна, росгвардейцаш болча бахар
Наьсарен дешархой бахар, Даьхен лорбой Ди долаш, росгвардейцаш болча, яхаш дийцар «Сердало» газетага дешархой моттигашкара.
«Дешархоша хьалхарча аргӀагӀа даькъалабийцар, цу сийрдача цӀайца тӀема гӀулакх леладераш. Берашта экскурси йир. Царна гойтар тӀема техника, герз, тӀабувхабу тӀема гӀирс. Керттера терко тӀаозаш яр хӀара деннара къаман эскара цхьоагӀо», - аьлар хоамо.
Тхоца къамаьл даьчо яхачох, ди йистедоалаш, ондаргаша шоаш герзах мел кхеташ ба гойтар, из хьадоасташ, юха вӀашагӀдоллаш.
«Даьхен лорбой Ди дӀахьош дагаух тайп-тайпарча исторен ханашка мехка цхьоагӀон тӀехьа денал, майрал гойташ лаьттараш, царгара масала эц вай кагирхоша а. Турпалхошта карагӀдаьннар тӀехьа тӀайоагӀача тӀехьенна луш дола масала да,цо хьагойт Даьхенцара безам мел боккха ба», - аьлар Наьсарен Росгварде эскара эпсара Байрамов Хаяла.
