Дешархоша дезду Пушкина ди
Аьхки салоӀача ишколашкарча лагерашка Россе дӀакхайкадаь Пушкина ди белгалду. Цу лоархӀамеча денца дувзаденна, юкъарча дешара моттигашка дукха кхетаченаш дӀахьу, яхашг, дийцар «Сердало» газетага «Берала никъ» яхача Ерригроссийски проекта зарбан болх лелабераша.
«Цу программа чудоагӀаш, берий таро я «Эрсий поэзен малх» яха цӀи еннача поэтацара, йоазонхочунцара, цу дикача сагацара шоай безам гойта. Республикан ишколаш дакъа лоацаш я «Пушкина ханашкара хозагӀа хийтта ловзараш» яхача цӀайна юкъе, царна керте латт ишколай кулгалхой гӀончаш.
Цул совгӀа, бераш дакъа лоацаш хилар «ГӀалгӀай метта мехка бода никъ» яхача хаттарий ловзаре, цига хинна хаттараш дар, ший шахьарах е юртах лаьца», - аьлар къамаьл даьчо.
ЛоархӀаме хилар «Веша Пушкин» яха литературни оагӀув. ЦӀихезача эрсий поэта байташ йийшар 1-11-ча класса дешархоша.
