«Салтечунга яздаь каьхат» яха болам хьаллаьцар вай дешархоша
РФ къаман гварде оагӀон № 2 йолча ишкола дешархоша дакъа лаьцар, ерригача Россе дӀахьош болча «Салтечунга яздаь каьхат» яхача боламе. Из хоам «Сердалога» бир республикерча Росгварде болхлоша.
Студенташа, дешархоша хозача дешашца дог ураоттаду мохк лорабеш латтарий. ТӀема операцен юкъе дакъа лоацаш болча салташка, каьхаташ яздир № 2 йолча ишкола дешархоша. Шоай декхараш кхоачашдеш латтача салташта баркал, аьнна; могаш- маьрша болаш цӀенах кхета даькъалабийцар уж бераша. Дукха ца говш дӀакхоачаргда каьхаташ тӀемхошка», – дийцар тха газетага.
«Вай къонача тӀехьено дег чура уж безаш, дагабоахкаш яздаьча дешаша тем бергба царна, дуккха хӀамаш дагадохийтаргда. Хозача дешо массахана дарба ду дега», – белгалдир подполковник волча Албетков Андрейс.
