«Россе хий» яхача боламе дакъа лаьцар вай дешархоша
29.09.2025 09:39
«Экологе хьал тоадар» яхача къаман проектага гIолла дIабихьача «Россt хий» яхача боламе дакъа лоацаш, Эса гонахьара моттигаш цIенъеш хилар мехкара дешархой. Шолж яхача хин Денна хетадаь дар из беркате гIулакх. «Сердалога» из хоам бир дешареи Iилмани гIулакхех йолча министерстве.
Шоашкара цхьацца кердадараш юкъехьош, берригаш хоза барттайна дIаэтта хин гонахьа лостам бир дешархоша.
Болам боаржабаьча Iалама гIулакхех йолча министерство баркал аьлар къахьийгарашта.
«Кхувш латташ йола тIехье Iалама моттигаш, экологе хьал лорадара тIахьехаш къахьийгача ялх ишкола грамоташ, проектораш, интерактивни улгаш делар совгIата», - дийцар тха газетага дешара гIулакхех йолча министерствос.
