«Дийна байракх» яхача боламе дакъа лаьцар вай мехкарча дешархоша
23.08.2024 12:07
РФ байракха Ден хетабаьча «Дийна байракх» яхача республикерча боламе дакъа лаьцар вай дешархоша. Из хоам «Сердалога» бир «Бералла наькъаш» яхача ерригача Россе проекта зарбан болх лелабераша.
«Къонача хьинардараша, ишкола кулгалхой гӀончашца дакъа лаьцар цу лоархӀамеча гӀулакха юкъе.
Шолжа-Шахьарерча Дьякова цӀерах йолча стадиона тӀа Россе Паччахьалкхен байракх йоаржайир цар. Хьехархоша белгалдечох, «Дийна байракх» яхача боламо, зӀамига долча хана денз, Даьхе еза, цун сий де Ӏомаду бераш.
