Байташ ешаш, яхь дӀайихьар дешархошта юкъе
05.07.2024 00:31
Эбарга-Юртарча Комарова цӀерах йолча лагере, байташ ешаш, яхь дӀайихьар. Даьхенах, наьнах, вай мехкарча хозача Ӏаламах лаьца байташ ешаш дар бераш, геттара чам чубенна.
«Хоза дӀаяхар яхь. Литературацара безам, шоай начӀал хьахьокхаш; цу гӀулакхо гӀаддига дар бераш, хӀаьта кхелахоша хержар дикагӀбараш», - дийцар «Сердалога» дешареи Ӏилмани гӀулакхех йолча министерстве.
Иштта йола яхь берашта юкъе дӀакхахьар чӀоагӀа лоархӀаме да, хӀана аьлча цо чӀоагӀбу берий литературацара, вай йоазонхошцара безам, дешархошта довз керда йоазош, наьнацара, Даьхенцара безам, къаман йоазонхоша байташка гӀолла из мишта бувц довз царна.
