Робот хьакхолларца дувзаденнараш Ӏомадергда вай дешархошта
08.08.2024 11:37
Тахан дикка баьржа болча оагӀонцара болх дӀаболабергба укх деношка Магасерча берий технопарке. Робот вӀашагӀйолла безам бараш, из гӀулакх довза бех цига. Укх бетта 29-ча денга кхаччалца дӀахьоргда дешар. Из хоам «Сердалога» бир цу моттигера.
«Лакха говзал йолча хьехархоша, инженераша вӀашагӀъелла, шин кӀира латтаргйола программа массехк дакъа чудоагӀаш я. Доакъашхой Ӏомабергба робот хьакхолла, цунга болх байта», - йоах хоамо.
Инженерии программировании яхача оагӀонца дувзаденнараш дикка доаржадара тӀехьа, лоархӀаме моттиг дӀалоацаш болх ба из.
