Вайцигара дешархой дакъа лоацаш хилар, цӀий дӀачудалара хетадаьча ловзаре
Цхьа бутт кхы баьлча, цӀий дӀалуш дола Дерригдунен ди белгалдергда. Цунца дувзаденна, Эбарг-Юртарча №14 йолча ишколе 10-ча классе вагӀа Пиров Асеф, ший проект дӀахьош ва, «ГӀалгӀай Республике цӀий дӀадалара гӀулакх доаржадар» яхача темах.
Цу денна хетадаь юкъарча дешара моттигашка ловзараш чакхдоах, яхаш, дийцар «Сердало» газетага Республикан цӀий дӀалуча станце викалаша.
«Дика толамаш даха дагахьа, цига дакъа лоацаш бар 5-10-ча классай дешархой. Доакъашхошта цӀий дӀадалара гӀулакх довзаш хиларал совгӀа, анкеташ язъе а кхыдолча хаттарашта жоп дала а хайра. Берашта цӀий дӀадалара болх дӀахьийхар, деррига из хьал бӀарга а дйтар, цар из кастлуш шоай вахара юкъе а доаккхаргда», - аьлар цӀий дӀадалара йолча республикан станце.
ДӀадихьача ловзара юкъе даьха толамаш теркалдича, гуш хилар, ГӀалгӀай мехка цӀий дӀадалара гӀулакх тоалургдолга.
Из гӀулакх дика дӀадахьарах, лоархӀаме болх барах, баркал оал», - аьлар Пиров Асефа.
