«Хьалхарчар болама» ӀV Съезде дакъа лаьцар республикерча дешархоша
Укх бетта 26-ча денгара 28-ча денга кхаччалца, «Росси» яхача Къамий цӀагӀа дӀахьош йолча «Хьалхарчар болама» Съезде дакъа лоацаш ба республикера дешархой. Из хоам «Сердалога» бир цу оагӀон болхлоша.
«Семинарашка, тайп-тайпарча кхетаченашка дакъа лоацаш я вай мехкара тоаба. «Боламе дерригаш цхьана да вай! Массадола гӀулакхаш дика вӀаштӀехьадоал вай! Ерригача вай Россена ховш да, къонахий гӀалгӀай болга!» яхача хьалхаленца, шоаш дӀадовзийташ да вай бераш»,- йоах хоамо.
«Хьалхарчар болама» моттигерча оагӀонна хьалхалаттача Албохчанаькъан Маринайца, иштта цу болама кулгалхочун гӀонча йолча Янова Ксенияйца вӀашагӀкхийтта хилар дешархой селхан. Кагирхой проектех, иштта кхыдарех дийцар цига. Мехка ерригача моттигашкара 2000 эзар совгӀа саг гулвеннавар цхьан доазон тӀа. Царна юкъе бар «Хьалхарчар болама» хьехархой, доакъашхой, Халкъашта юкъерча берий кхетаченаш еча моттигий болхлой.
