Илдарха-Гӏалий тӏара дешархой кийчлуш ба, «Йоккха перемена» яхача яхьий ах финалага
04.09.2025 14:57
Илдарха-Гӏалан №3 йолча юкъерча ишкола дешархой кийчлуш ба Ерригроссийски «Йоккха перемена» яхача берашта, ондаргашта лаьрхӏача ах финала яхьашка. Уж дӏахьоргья Вологде, тов бетта 22-ча денгара 24-ча денга кхаччалца, яхаш, дийцар «Сердало» газетага цу дешара моттиге.
Вай хьалхалаттараш дакъа лоацаш хилар дешарца дувзаденнача даькъе, цар ладийгӏар дика лар ютача лекцешка, чоалхане моттигаш ювцача дакъа лаьцар. Цул совгӏа, бераш ӏомаделар хьалхашка оттадеш дола декхараш кхоачашде.
Боккхача балха чуйоагӏаш я 12 оагӏув, цу юкъе: ӏилма, технологеш, искусство, кхоллам, журналистикан керда таронаш, лоӏамхой болх, исторен дагалоаттам.
Илдарха-Гӏалан №3 йолча юкъерча ишкола кулгалхой, беррига хьехархой ловш ба дешархоша котало яккхар.
