Мархий бетта дозал кхетадеш ба Илдарха-ГӀалий тӀара дешархой
07.03.2025 11:17
Шахьарерча № 1 йолча ишкола хьехархоша, дешархоша боаггӀача боараме кхетаду укх безача мархий бетта лоархӀам. «Беза Рамадан» яха беркате, хоза кхетаче дӀайихьар цар ишколе. Из хоам «Сердалога» бир цу гӀулакха хьалха эттараша.
Бераша дийцар, Рамадан бетта саг ма хулла дукхагӀа Ӏамал еш, Даьлага хьесталуш, шийна гешт дар дехаш хила везилга. Боккха лерхӀам бола хӀамаш дувцаш, укх бетта хетаяь байташ ешаш, ха дӀайихьар цар. КъорӀан аяташ дешаш, чакхъяьлар кхетаче», - йоах тхога бенача хоамо.
Марха кхабар – бусалба наха параз даь тӀадилла хӀама да АллахӀа. Хьехархоша берашта хьалхадаьккхар, из мел чӀоагӀа дегӀа пайда беш, унахцӀенон хьал тоадеш гӀулакх да.
