Магаса дешархой 3D-моделах йолча республикан чемпионате котбаьлар
«Кванториум» яхача берий технопарка дешархоша, Республикански чемпионата 3D-моделироване «Кхолха гургал» яхача чемпионате шиъ коталон моттиг яьккхар, яхаш, дийцар «Сердало» газетага дешара моттиге.
Карарча шера, берригача мехкарча дешархоша шоай говзал гойтар «Таьрахьий берий дешара ӀT-клуба» даькъ тӀа. Цу яхьашка шоллагӀа моттиг яьккхар Йовлой Вахас. Леймой Исраила кхоалагӀа моттиг елар. Яхь дӀахьоча дешарах дика кхеташ хиларал совгӀа, кхы а сакхетам болаш хилар гойта дезаш дар, цу юкъе ха дезаш дар технически хьалаш довзар, хоза кеп хьае ховш хилар», - аьлар хоамо.
Цхьадолча бераша хоза кийчъяь мебель латташ йола цӀенче йир, шоллагӀчар Ӏалама кепацара кухнеш йир. Цхьабараша сатеме йола наб ю фусамаш йир, хозача кӀадашца тоаяь а книжкаш чулатташ а болх беш йола кабинеташ яьраш а бар.
