МагӀалбика дешархой котбаьлар «Боккхача мехка хьамсара миӀинг» яхача яхье
МагӀалбик-Шахьара №2 йолча юкъерча ишкола дешархой котбаьлар «Боккхача мехка хьамсара миӀинг» яхача Ерригроссийски яхье, яхаш, дийцар «Сердало» газетага дешара моттиге.
«Из болх вӀашагӀбеллараша Россе тайп-тайпарча миӀингашка даха бераш тӀахьийхар, кхоллама балхашца шоай мохк безара. Яхь чакхйоалаш, Ӏоахарганаькъан Салимай сочинени дикагӀчарех хилар хьакхайкадир. Гӏуражанаькъан Алияй, Доданаькъан Алинай дика толам баккха таро хилар «Сурташ» яхача яхьа юкъе. ГуноевгӀар Мадинас хьалхара моттиг яьккхар шийна хьалхашка лаьттача темах эггара хозагӀа сурт дилла», - аьлар хоамо.
Из кхетаче кийчъяьрий кулгалхочо Д. Ковала кулг яздаь къаьстта йола грамота елар йиӀигий классан кулгалхочоа Котаганаькъан Заирайна.
МагӀалбик-шахьара №2 йолча ишкола кулгалхочо ЭнгиноевгӀар Мадинас баркал оал «Летописец» яхача Центра; начӀал гойта а ший зӀамагӀа йола Даьхе мишта еза дувца а таро яларах.
