Гӏалгӏайчен дешархой ӏомабу экстремизма, терроризма духьалъотта
Гӏалгӏайчен Магӏалбика кхален Дола-Коарча №25 йолча юкъерча ишколе йоккхагӏча классашка дагӏача берашца, зулам хьалхадаккхара бола болх дӏабихьар. Из лаьрхӏа бар дешархошта довзийта, моллагӏа дола зулам юхатохара духьалъотташ хила безилга, шоай вахар кӏалъоттадеш бола никъ хьацаэцар лоархӏаме долга. Хьехам бара болх дӏахьош хилар кхален администраце АТК балхаца ӏалашо яра отдела кулгалхо Джамболатанаькъан Мухьмад, иштта дин викалаш.
«Доакъашхоша дийцар интернете гӏолла нийслуш дола ийрча наькъаш, цар нах ӏехабеш хилар, цу наькъах лоравалара хьалхарча аргӏагӏа де дезар, унзарча хьала юкъе цанийсвалара сакхетаме хила везилга», - аьлар «Сердало» газетага доал деча даькъ тӏарча администраце.
Дин викалаша белгалйир ӏадатий оагӏонаш, иштта дино могадеш доаца наькъаш леладар цхьанна а оагӏорахьа мегаш цахилар, цу даькъ тӏара мах бараш доаде йиш йоацилга.
Кхетаче дика чакхъяьлар. Дешархошта лоархӏаме хоам бовзийтар, иштта из тахка а таро хилар говзанчашца. Кхетаче дӏахьош хиннараша белгалдир, дешархоша цу кхетаченах пайда эцаш хилар, во-дика оагӏонаш цар къоаста еш хилар.
