Ишколай психологаш дакъа лоацаш хилар, ВДНХ дешара даькъ тӀа
«Кхетам» яхача Российски хӀармо кийчдаь ВДНХ ди долаш, Москве Россе ерригача миӀингашкара гулбелар психологий-хьехархой балха тӀахьожам лоаттабераш. Цига дакъа лоацаш бар ГӀалгӀайчен викалаш, яхаш, дийцар «Сердало» газетага моттигерча дешара, Ӏилман Министерстве.
«Цига гулбеннарашта дайзар Набережни Челнирча паччахьалкхен хьехархой университете дӀабихьача Ӏилман-методически балха кердадараш. ДукхагӀча даькъе цига дийцар дар, хьехархой пхьоалле хьаелла езарах лаьца. Хьехархой баха хилар «Дешар: доккхий хувцамаш» яхача гойтамга хьажа, цар дакъа лаьцар хьехархой университета говзанчаша дӀахьош хиннача говзанч-хьехаме, уж чудоагӀаш дар Россе дешара Министерствонна.
«Кхетам» яхача денна чуйоагӀаш дӀайихьар уж дешара моттигаш. Цох дика пайда а ийцар. Масала, дӀадахача шера ардара бетта денз, 4000 хьехархочун таро хилар керда технологеш йовза, дешара даькъ тӀа шоашта ховш дар кхычарца декъа, дешара керда наькъаш лаха.
Россе дешара дикал лакхъяра, хьехархой юкъарло дегӀайоалаяра; лоархӀаме хилар дешара денош.
