ХьатӀадоагӀача шера, боккха болх дӀахьош, тоае лерхӀ Наьсарера № 9 йола ишкол
ХьатӀадоагӀача шера, боккха болх дӀахьош, тоаергья Наьсарера № 9 йола ишкол. Мехкадас Келаматанаькъан Махьмуд-Ӏаьлас соцам баь, ишколаш тоаярах йолча паччахьалкхен программанна юкъейихьай из ишкол.
«2025-ча шера дӀаболабергба болх. Керда дешара шу долалуча хана, кийча хургья ишкол бераш тӀаэца. 70 млн совгӀа рузкъа да цу гӀулакха хьакъоастаде лаьрхӀар. Доккхий хувцамаш деш тоаяь, керда хӀамаш эцаргья ишколе.
Укх шера ялх ишкол тоаяь йистейоаккхаргья. ХьатӀадоагӀача шера дикка меттайоаелаергья, 9-гӀча Наьсарерча ишколал совгӀа, тайп-тайпарча моттигашкара кхы а йиъ ишкол», - язду ший телеграмм-оагӀон тӀа вай Мехкадас.
Ишколаш тоаяра тӀехьа вӀашагӀъелла программа вай берригача мехка, 2022-ча шера денз, болх беш я. 2026-ча шерга кхаччалца дӀахьоргболча цу балха юкъе, 7300 ишкол тоае лерхӀ.
