Илдарха-ГIалий тIа кастта цхьаькха а берий беш хургья
14.01.2022 10:14
Как сообщают в карабулакской мэрии, возведение детского сада в первом микрорайоне города находится уже на завершающей стадии.
Джейрахская яхача ураме хургья, 220 бера лаьрхIа йола, из беш. Ишколе даханза долча берашта боккха аьттув луш хургья из меттиг. 90-95% кхоачаш тоаяь яьнний берий беш, таханарча дийнахьа.
Из хьалъеттай «Демография» яхача къаман проекте гIолла. ВIаштара яьча гIишлон чу берашта эшаш мел дар, кийчо яь долаш да.
«Сердало» газетага пхье администраце баьча хоамах, берий беш хургьйола доазув къоастадеш, теркаме лаьцар бахархошта цу хьакъехьа хетар.
ГIишло хьалъяьча Аьшкцемата хIамаш хьаеча завода районе, таханарча дийнахьа, 400 цIа да, массехк эзар саг ва цига вахаш.
Цунга хьежжа, берий беш е лаьрхIар цу районе.
