МагӀалбике, МагӀалбика кхален моттигашка совгӀатех йизза йола яьшкаш дӀаекъаш лийлар къона эскархой, «Хьалхарчар болам» яхача оагӀон доакъашхой. Шахьарерча № 1 йолча гимназе, «Орлёнок», «Вежарий» яхача берий бешамашка, Аьккхий-Юртарча, Долакоарча, Вежарий-Юртарча, Махьмад-Хи тӀарча, Южни оалача моттигерча администрацешка Ӏояьхар совгӀатий яьшкаш». Из хоам бу БӀарахой Бек-хана телеграм-оагӀон тӀа.

ЖӀайрахьа кхален моттигашка, иштта кхыйолча юрташка кхоачаргда совгӀаташ. Ма хулла дукхагӀа бераш юкъелоацаш, хургда из гӀулакх.