ТӀема операцен доакъашхоша кхетаче дӀайихьар студенташца
Илдарха-ГӀалий тӀарча паччахьалкхен муниципальни декхарех йолча колледжа студенташца, кхетаче дӀайихьар тӀема операцен доакъашхоша. «Даьхен Лорбой» яхача ганза республикера филиал я цу гӀулакха хьалхаэттар. ВӀашагӀкхетаре дакъа лоацаш хилар Россе гӀазкхий союза федераце моттигера оагӀув.
«Студенташца къамаьл дир тӀема операцен доакъашхой болча, Денала орденаш еннача Батайнаькъан Руслана, Оздой Хьусена, «Майрал гойтарах» яха майдилгаш еннача Хамхой Ислама, Мархенаькъан Мухьмада, Мухлой Микаила, «Денал гойтарах» яха майдилг еннача Темарханаькъан Ӏамархана. Даьхен моттиг лораеш латтараша кагирхошта дийцар, хӀара къонахчо вахаре лораде дезарех, Даьхен гӀулакх массахана лакхача моттиге лоаттаде дезарах», - из хоам«Сердало» газетага бир «Даьхен Лорбой» яхача филиала болхлоша.
Дукха хаттараш хилар кагирхой, къаман майрача къонгашка. ХӀаране масал эцаш, тӀема операцен доакъашхошта шоаш болча бахкарах доккха баркал оалаш, дӀадахар из вӀашагӀкхетар.
