Тутайнаькъан Аь. цӀерагӀча колледже хьехама болх дӀабихьар
Мехка кагирхошта Даьхенцара безам совбоаккхаш кхетам балара, иштта хьем боаццаш-хьехам балара «Цӏена ноахал-2025» яха болам дӀабахьара чудоагӀаш къамаьл хилар, «Тутайнаькъан Аь. И. цӀерагӀча ГӏалгӀайчен лорий колледжа» ГБПОУ дешархошца, яхаш, дийцар «Сердало» газетага бокъонаш лораераша.
«Из къамаьл дӀахьоча дакъа лоацаш бар Юкъарлон Кхела кулгалхочун гӀонча, мехка МВД кхела чувоагӀаш вола Алиханов Алихан, Наьсарен шахьаре гӀолла йолча Россе ОМВД ОПДН инспектораш, полице майор Галай Мадина, полице капитан Янданаькъан Мадина, иштта, ГӏалгӀай Республике гӀолла йолча МВД экстремизма духьале еча Центра викал», - аьлар хоамо.
ВӏашагӀкхетара бахьан дар наркотикаш, кхыйола сага могашал йоаеш йола молхаш йоаржаярца къовсам лелабар, кагирхошта юкъе из даржаргдоацаш царна хьехам бар, иштта Интернет-таронашка гӀолла цар гӀалаташ дергдоацаш, цул совгӀа наькъа бокъонаша дӀадехар лорадергдолаш. Кхы а шоай Даьхенцара безам совбоаккхаш, уж хила безилга хьалхадаьккхар.
