10 шера лохаш хинна зуламхо коравир СОБРа
28.07.2024 12:26
Лохаш вола цхьа иттех шу дола зуламхо коравир ГӀалгӀай Республике гӀолла йолча Росгварде Урхаллен СОБРа бӀухошта, яхаш, дийцар «Сердало» газетага цигарча зарбан болх лелабеча Сампенаькъан Салимас.
«Дукхача хана лийхачул тӀехьагӀа, ГӀалгӀайчен Росгварден, чурча гӀулакхий Министерствон говзанчашта коравир; Россе УМВД, Коломна оалача шахьаре гӀолла болча тохкамхоша лохаш хинна зуламхо. Зулам даь хиларах лечкъаш хиннар, ТӀой-Юртара хьакоравир», - аьлар хоам баьчо.
Белгалду, дӀахо цунна Ӏаьдало малагӀа бехк бу ховш хургда, полици ший тохкама болх баь яьлча.
