ГӀалгӀайчен тӀема комиссареи суда керттерча пирстопеи кхетаче хилар
ГӀалгӀайчен суда керттерча пирстопа Къоастой Заьлмахас дӀайихьар ГӀалгӀай Республикан тӀема комиссараца Гадаборшанаькъан Зоврбикаца кхетаче. Цига дийцар закона юкъе кердадараш дахара дош. Из хоам газетага бир ГӀалгӀай Республике гӀолла йолча Россе УФССП зарбан болх лелабераша.
«Из дар ФЗ «болх чакхбаккхара» юкъедаьха хувцамаш. Цу юкъе, 2024 шера лайчилла бетта 23 денгара №391-ФЗ Федеральни закона юкъе хувцамаш дар «Болх чакхбаккхара», «Кредитни договорах (юхалург ийцача ахчан тӀехь баь бартчӀоагӀам) чӀоагӀо йолаш хилар Российски Герзашцарча низий мугӀарашка тӀахьийхача наха, иштта лаьрххӀача операце дакъа лоацаш бараша, цар дезалаша из лорадар, цу юкъе Российски Федерацен къаьстта дола закон доаладар», - аьлар хоамо.
Къаьстта бола хоам бе беза нахага уж хувцамаш юкъедаьха хиларах, уж лораде дезарах а.
Къоастой Заьлмахас белгалдир, юкъедаьхача хувцамаша суда пирстопий болх тоабеш а наьха бокъонаш лорае а таро луш хилар. Цо тӀахьийхар тӀема комиссараш, шоаш тӀахьожам лоаттаберашта уж хувцамаш юкъедаьха хилар хьалхадаккхара, уж иштта кхоачашде дезаш хилара.
Гадаборшанаькъан Зоврбика белгалдир, ГӀалгӀай Республикан тӀема комиссар суда пирстопашца бувзам лелабе кийча хилар. Цо аьлар, иштта тешшаме цхьана болх дӀахьош хиларо, суда пирстопий балха дикал лакхъергья, наьха бокъонаш а лораергья.
ДӀахо а цхьана болх дӀабахьа лаьрхӀар цар цу даькъ тӀа, ди тӀехьагӀа из тоабеш.
