«ЛаьрххӀа йола операци дӀахьош байначар гаргарча нахаца кхетаче хилар. Дика къамаьл хилар цу кхетаче. ДукхагӀа дола хаттараш дувзаденна дар федеральни, моттигера новкъостал дарца, цу юкъе балха оттавар а иштта лаьттан дакъа даларца а дувзаденна хаттараш дар», - аьлар Махьмуд-Ӏаьлас, уж хаттараш хьалхарча аргӀагӀа кхоачашде дезилга белгалдеш.

Мехкадас хьоахадир, шоай са ца кходеш, Даьхе лораеш, майралца моастагӀчох латаш, бейнача бӀухой дезалашта массайолча хана новкъостал лоаттаде дезилга.

Республикан Кулгалхочо аьлар; из вай турпалхой дезалашта еш йола терко я, ца хадаш, бехктокхаме дӀаяхьа езаш а я, аьнна.