Минниханов Рустамаца кхетаче дӀайихьар вай Мехкадас
Безаме вӀашагӀкхетар дӀадихьар Магасе вай мехкадас Келаматанаькъан Махьмуд-Ӏаьлас Татрий мехка кулгал деча Минниханов Рустамаца. Из хоам «Сердалога» бир Мехкадаь зарбан болх лелабераша.
«Россе моттигашта юкъе дикка хӀама тоаданнарех ба Татрий мохк. ЧӀоагӀа я цар экономика, ӀT оагӀонца дувзаденнараш, иштта дика толамаш доахаш ба цар таханара юртбоахам. Бахархой вахар аттачахьа доаккхаш тайп-тайпара бизнес я цу мехка. Дккха хӀама хьаэца, Ӏомаде йиш йолаш я Татарстан.
Минниханов Рустама белгалдир, вай къаманца бувзам лелабе шоаш массахана кийча болга»,- яздир вай Мехкадас ший Телеграм-оагӀон тӀа. Наьсарерча дагалоаттама, сийлен Мемориале баха, цигарча массахана йоагаш йолча цӀера юхе зизаш даьхкар цар, мехка гӀулакха лаьтта къонгаш дагалаьца. ГӀалгӀайчен истореца ювзаенна йола моттигаш дӀахьекхар лоархӀамеча хьаьшанга, цунцарча новкъосташка. Халача ханех чакхъяьнна, тахан вай республика ший хӀама дикка тоадеш йолгах дийцар кхетаче; иштта хьоахадир, Россе еррига моттигаш вӀаший барт, машар, безам болаш хила езилга.
