Хьун хьал тоалуш латт
17.03.2025 12:56
Хьун хьал тохкаш болх дӀабихьача цу оагӀонцарча министерствос белгалду, вай мехкара хьун хьал тоалуш латтилга. Цунна тешал деш я 22,8 га. 2024-гӀа шу долалуш, чакхдоалаш дӀабихьача балхо хьагойтар да из.
Министерствон болхлоша белгалдечох, доккхий кхоачамбоацараш доацилга гуш да. «75 га долча доазон тӀара ца эша гаьнаш, кӀотаргаш дӀахьекхай, 175 га йолча моттигера лостам беш гаьнаш дӀаяьхай, 500 га доазон тӀа хьун хьал тохкаш болх баьб.
Цул совгӀа, ФБУ «Росхьулораяр» - «Нохчий мехкара хьу лораяра моттиг» яхача оагӀон болхлоша боагӀаш бола болх дӀабихьаб хьунашка.
2024-ча шера хьунагӀа цӀи ялар кхерам бола гӀулакх юстардаьккхар республике, иштта хьун боахама гӀулакх телха цхьаккха моттиг яц», - дийцар министерстве.
