Зарядкайх йолча ерригача Россе болама юкъе дакъа лаьцар эзараш болча вай мехкахоша
Зарядкайх йолча ВДНХ марафоне дакъа лоацаш хилар олимпийски чемпиони 200 совгӀа вай мехкахои. Из хоам «Сердалога» бир мехка кабмино.
«ТелетӀийга гӀолла, 200 совгӀа вола вай мехкахо дӀакхийтар Москверча спортсменех. Шолжа кхале зарядка дӀахьош хиннар вар цӀихеза олимпийски чемпион Манкенаькъан Назир. ХӀаьта Москве из дӀахьош хиннараш бар жӀакай исторе эггара къонагӀа вола гроссмейстер Карякин Сергей, когсоалозашца удача спорта Россе говзанч йола Лобышева Екатерина», – йоах тхогарча хоамо. УнахцӀено хьаллоацаш долча гӀулакхаша кагирхошта дӀагойт, вахара денош мел беркате, пайда беш дӀадахьа йиш я, унахцӀенон хьал лорадар, терко яр мел лоархӀаме да. ТӀехьарча шерашка спорта, физически культуран хьал тоадеш боккха болх дӀакхухь Россе ерригача миӀингашка. Белгалде деза, иштта терко еш хиларо спорта гӀулакх лакхача лагӀа тӀа доаккхилга, масала, вай республике санна.
