БӀаьш миллионаш рузкъа кхахьийтад ГӀалгӀай мехко, наха гӀо деш
![БӀаьш миллионаш рузкъа кхахьийтад ГӀалгӀай мехко, наха гӀо деш](http://serdalo.ru/storage/i3ySaXdxU1n6TePXBlDl1ChSh4IhcXuDIJualu6t.jpg)
Тайп-тайпарча моттигашкарча наха гӀо деш, 1, 1 млрд рузкъа хьожадаьд республико укх ах шера. Из хоам «Сердалога» бир Мехкадаь зарбан болх лелабераша.
«Ахча хьожадаьрашта юкъе ба бераш даь дезалаш, вакцинаци харцъяьнна могашал эшаеннараш, пенси лакхдаьраш, къахьегама ветеранаш, тӀема доакъашхошта гӀо даьраш, болх беш боацараш», - йоах хоамо.
«Къаьстта лакха терко е езарех ба ха яха нах. «Демографи» яхача проектага гӀолла хьалъеш латт МагӀалбике ха яхача, дегӀа могашал эшаеннача бахархошка хьожаш йола моттиг», - белгалдир вай Мехкадас Келаматанаькъан Махьмуд-Ӏаьлас.
БӀаьш млн рузкъа хьожадаьд республико ЖКХ ахча дӀачутела гӀо лоаттадерашта, цу юкъе ба тӀема операцен доакъашхой а.
Керттера, доккха дакъа цу гӀулакха юкъе дӀалоац федеральни оагӀоно лоаттадеча новкъастало. РФ Президента Владимир Путина, мехка кабмино йоаржаяьча беркатеча проекташа тахан наьха вахара хьал дикка аттачахьа даьккхад. Вай мехко могаш дола гӀо лоаттаду Запорожьена. Лоамарча лагере салоӀаш да укх аьхки цигара бераш.