ГӏалгӀайчен МЧСа болхлочо толам баьккхар яйгача атлетиках
15.05.2025 14:36
Къилбаседа Кавказа федеральни куран Россе МЧСа доазон тӀарча болхлой спартакиаде 1000 метр адарах дошо майдилг яьккхар ГӏалгӀай мехка гӀолла йолча Россе МЧС ГУ кадрай отдела болхлочо Трифонова Каринас, яхаш, хоам бу «Сердало» газетага хатарашца къовсам лоаттабераша.
«Каринас профессиональни даькъ тӀа укх массехк шера дӀахьу яйгача атлетикацара бувзам, цо цахаддаш дика толамаш доах», - аьлар ГӏалгӀайчен МЧСе.
Кадрай отдела болхлочо даьхача толамаша хьагойт, МЧСе Ӏомалуча хана, хатарашта духьаллаттараш хинна Ӏац говзал Ӏомаечарца.
Ерригача тоабанна карагӀдаьннар хьаийцача, юкъарча толаме, тоабашта-доакъашхошта юкъе вай мехкахоша йиълагӀа моттиг яьккхар.
Белгалду, котбаьннарашта грамоташ, совгӀаташ денна хилар.
