Мехкашта юкъерча кхетаче дакъа лаьцар ДРКБ болхлочо
25.11.2025 10:33
Берий маьженашца хулаш долча лазарех дувцаш, ӏилман-болх шаьрбара кхетаче дӏайихьар Пятигорске.
Вай мехкарча травмотологе, ортопеде оагӏонца кулгал деш волча Хьаьшанаькъан ӏийсас дакъа лаьцар цига. Берашта маьженашца хулаш долча халача лазарашта духьала ше дӏахьоча дарбах дийцар лора.
«Кхетаче дийцачарна юкъе керттера моттиг дӏалоацаш дар, берашта тӏехкашца хулаш долча лазарашта дарба лоаттадар, лазараш хьакхетаргдоацаш де дезараш белгалдар», - дийцар «Сердалога» унахцӏенон Министерствон зарбан болх лелабераша.
