Сага бокъонаш лораярах, майдилг елар ОФСИН болхлочоа
21.08.2024 18:35
«ГӀалгӀай республикерча сага бокъонаш лораярах» яха майдилг енна белгалвир Ӏаьдала оагӀонцара сага бокъонаш лораярах болча Россе ОФСИН моттигерча кулгалхочун гӀонча вола Харсенаькъан Азраил. Сага бокъонех волча викал ЦӀечой ИбрахӀим вар цунна майдилг дӀаеннар.
«Ший болх бехктокхаме, боаггӀача боараме дӀахьош, мехкарча набахта ха йоаккхаш болча наьха бокъонаш лораеш лаьттав Азраил», - белгалдир ЦӀечой ИбрахӀима «Сердало» газета интервью луш.
Магасе дӀайихьар из кхетаче. Балхарча новкъосташа даькъала вувцаш, доккха баркал кхайкадир цунна, ший декхараш дизза кхоачашдеш къахьегарах.
