Россе кагирхой Ди дездеча, дакъа лоацаш хилар СК болхло
Россе кагирхой Ди дездара хетаяь кхетаче дӀайихьар «Мужече» яхача спорта дешара моттиге. Кагирхой гӀулакхех йола мехкара комитет яр цу гӀулакха хьалхаэттар. ЛоархӀаме хьаьший болаш, цига дакъа лоацаш вар Россе моттигерча СК тохкама оагӀон кулгалхочун гӀонча Горчхананаькъан Ӏумар. Из хоам «Сердалога» бир цу моттигера.
Цига гулбеннача кагирхошка къамаьл дир Абубакара Ӏумара. Цо белгалдир, спорта тӀакхувш, дика хӀама доаржадеш хилар мел лоархӀаме да, массахана цхьан хӀаман тӀехьа къахьегаш, зехьа ха ца йоаеш хилара тӀахьийхар цо къона тӀехье.
Доакъашхошта лаьрхӀа спорта яхьаш, гойтама балхаш, кагирхой кхолламаш довзийар цига. Тохкама оагӀон болхлой массахана дакъа лоацаш хул ишттача, кагирхой дегаш дикача, беркатеча хӀаман тӀехьа ураоттадеча кхетаченашка.
