Мехкарча МВД болхлоша зуламхо дӀалаьцар
16.06.2025 10:24
Харцо йийца, мехкарча цхьан яхархочунгара ахча даьккха зуламхо дӀалаьцар МВД болхлоша Шолжа-Шахьаре. Из хоам «Сердалога» бир Ӏаьдала болхлоша.
Россе МВД «Шолжа кхала» яхача МО оагӀон болхлоша, ВОГ МВД республикерча викалаша дӀабихьача тохкама балхах, дӀадахача шера ахкан тӀехьарча бетта 15-ча дийнахьа мехкахочунца «WhatsApp» оагӀонга гӀолла бувзаме яьнна, Россе Пенсех йолча ганза болхло я ше, аьнна, оапаш бийца; цхьа хӀама дӀадоладеча гӀо дергда ше, аьнна 35 эзар сом ахча даьккхад зуламхочо.
РФ УК 2-ча даькъа 159-ча статьях; пособи, субсиди, вахара оагӀонцара хьатӀадоагӀаш дола, е кхыдола ахча даарах бехктокхаме озаш волча статьях; боагӀаш бола бехк бергба зуламхочоа.
