Даьхенцара безам гойтача боламе дакъа лаьцар ГАИ болхлоша
25.04.2025 11:45
«Коталон наькъаш» яха ерригача Россе болам хьаллаца арабаьлар ГАИ болхлой, Эккажкъонгий-Юртарча № 1 йолча ишколера ЮИД оагӀон къона инспектораш. «Сердалога» из хоам бир цу моттигера. Твардовский Александра язъяьча «Теркин Василий» яхача цӀихезача поэман юкъера доакъош дийшар болам хьаллаца арабаьннараша.
Советски салтий майрал гойташ йола поэма ешаш, дог ураэтта бар дешархой. «Иштта йола кхетаченаш эшаш я, вай даьша хьабена никъ биц ца балийта, цар гойтача деналах довза. Наькъашкара кхерамзле лораярал совгӀа, кхувш латтача тӀехьен нийса кхетам бала, тӀема истори довзийташ, цар дегаш сомадаха хьож тхо», - аьлар ГАИ болхлоша. Йоккха тӀема Котало яьккха 80 шу дизара хетадаь дар из гӀулакх.
