Федеральни наькъ тӏара хьал лорадеш, ГАИ болхлоша 21 гӏалат теркалдир
«Кавказ» яхача федеральни наькъ тӏара хьал лораде арабаьлар тахан республикерча МВД ГИБДД болхлой. Из хоам «Сердалога» бир МВД болхлоша. «Къаьстта йоккха терко йир ӏаьдала болхлоша, бераш дӏа-хьа кхувлара гӏулакха. Берашцара хьал боаггӏача боараме хилийта, аьнна, къамаьл дир 12 сагаца», - дийцар ГИБДД 2-ча рота 2-ча взвода кулгал деча Тӏумхой Сулумбика.
«Волга-20» яхача ДПС моттиге дӏайихьар 12 кхоачамбоацар гучадаьккха рейд. Нах дӏа-хьа кхувлар хила деззача тайпара хьаоттаде дезилга, иштта кораш баьддар хила йиш йоацилга белгалдир цига, лертӏача хьале йоаццашехь, машин хехкаш а моттигаш яр.
Машинаца араваьнначо лоравеш дола тӏехкар хьатоха дезилга белгалдир ӏаьдала болхлоша. Наькъашкара бокъонаш лораеш хилара тӏахьех бахархой! Боккъал шортагӏа лела, фийла хила!
