ГӀалгӀайчен ГАС болхлой бахар, Астрахане Ӏилман кхетаче дӀахьоча
ГӀалгӀай Республикан архивни гӀулакха болхлой бахар Къулбехьен, Къилбаседа Кавказа федеральни курай архивий Ӏилман-методически советий кхетачене, яхаш, дийцар газета корреспондентага цигарча зарбан болх лелабераша.
Аьтинга бетта 23-ча денгара 27-ча денга кхаччалца, Астрахане кхетаче дӀахьош хилар, каьхаташ леладара гӀулакха йолча Ерригроссийски Ӏилма-тохкама института Федеральни архивни агентствон викалаш. Вай республикера цига бар Паччахьалкхен архивни гӀулакха кулгалхой Ховтанаькъан Руслан, «ГӀалгӀайчен Госархива» Паччахьалкхен Ӏаьдала урхаллен кулгалхо Тоачанаькъан ИбрахӀим.
Цига керттера дийцар дар паччахьалкхен, доал дара даькъ тӀара Россе Вахара ганза балха доакъош шоайла бувзам болаш хилар. Гулбеннараша техкар бокъоний, технологей, коммуникацей оагӀоний архива болх, иштта таьрахьий таронаш юкъейоалаяр цу даькъ тӀа.
Тхоца къамаьл даьчо яхачох, Федеральни архивни гӀулакхо хьалхадаккхарах, хьатӀадоагӀача шера хӀара шера дӀахьош йола съезд хургья ГӀалгӀайче. Цу тайпара хьал нийсделар мехка кулгалхочо Келаматанаькъан Махьмуд-Ӏаьлас из могадарах, цунна дика таронаш хьакхолларах архивни балха даькъ тӀа, из гӀалгӀай дӀадахачун а культуран а тӀехьале ма хиллара.
