ГӏалгӀайчен ТЮЗа болхлоша дакъа лаьцар «Вахара цӀи» яхача болама юкъе
16.04.2025 17:01
Республикерча берий театра болхлоша дакъа лаьцар «Вахара цӀи» яхача дикача гӀулакхий болама юкъе, из болх вӀашагӀбеллабар республикан цӀий дӀаийдеча моттиго, «Дикача наьха Клуб» яхача фондаца цхьана. Цох хоам бир «Сердало» газетага театра зарбан болх лелабераша.
«Вахара цӀи» - из тӀехка тӀум дӀаялар хьаллоацаш бола болам ба. Цун маӀан да- ма хулла дукхагӀа нах цу гӀулакха юкъеозар, хала лазараш долча наха новкъостал дар.
Цӏий дӀалуш болча нахал дуккха а кӀезигӀа ба тӀехка тӀум дӀалуш бараш. Цун керттера бахьан да нах шоай могашала из Ӏаткъар кхераш хилар. Бакъда лораша яхачох, из иштта дац. Цар хьалхадоаккх, оаш дакъа лацарах цхьанне вахар тийша хилар.
