Магасерча дешархошца ОБЖ урок дӀайихьар МЧС болхлоша
Кхувш латтача тӀехьенца цхьацца балхаш, кхетаченаш дӀакхухьаш къахьег тахан вай мехкарча МЧС болхлоша. Магасерча № 2 йолча ишколе кхетаче дӀахьош хилар уж укх наькъа.
Дешархошта хьалхадаьккхар, шоай а шоашта уллуврча наьха а кхерамзле лораеча, массахана фийла хилар лоархӀамеча гӀулакхех долга. Къаьстта йоккха терко тӀайохийташ дийцар цӀерца дувзаденнача хатарех. Уж хатараш эггара дукхагӀа малагӀа бахьанаш долаш дарж белгалдир МЧС болхлоша.
Иштта берашта хьалхадаьккхар, моллагӀа дагадоаца хӀама нийсделча эггара хьалхарча оагӀонца мишта хьовза веза, веха, корзагӀваьнна хила йиш йоацилга», - дийцар «Сердалога» МЧС зарбан болх лелабераша. ЦӀи дӀайоаеш долча гӀирсашца болх бар мишта хила деза дӀахьекхар берашка, иштта лозаваьча сага эггара хьалхара гӀо мишта де деза дӀахьекхар царга.
