Пунчена духьала маьхий тохаш ба лораш
Ардара бутт, цун тӏехьа боагӏа лайчилла бутт - уж ши бутт, лораша яхачох, маьхий тоха дезаш ба лазара духьала. Хьежа везац лазар хьакхетарга. Дегӏа сахьале чӏоагӏъяр вай вахара юкъедаьккхад, инфекци йоаржаеш дола лазараш ца кхетийтар духьа.
Республикан унахцӀенон Министерствос бахархой тӀахьех, дӀахьош йола маьхий тохара кампани теркалъеш хилара. Духхьал нах тӏахьийха ца ӏеш, шоашта а маьхий тохийташ, масал гойт унахцӏенон Министерствон болхлоша.
«ЛоархӀаме да шоай ханнахьа маьхий тохийтар, из лазар хьакхетара кхерам болча наха: ха яхарашта, хронически оала лазараш дарашта, иштта дукхача наха юкъе леларашта. Маьхий теха нах иттаза кӀезигагӀа хул цу лазарах цамогаш, хьакхийттар а сиха дӀадоал», - аьлар ГӏалгӀай Республикан унахцӀенон болхлоша.
