«Даьхен сийдола къонгаш» яха лекцеш йоаржаеш ба мехкарча МКЖР болхлой
«Даьхен сийдола къонгаш» яхача проектага гӏолла къонача тӏехьен вай къаман цӏихеза, яхь йолча къонгий цӏераш йовзийташ лекцеш дӏакхухьаш ба мехкахбаьхача наьха Мемориальни комплекса болхлой. ӏаьлий-Юртарча № 1 йолча ишколе дӏайихьар аргӏанара кхетаче. Лекци йийшар цу моттига болхло Гӏазданаькъан Милана яр.
«Сийлахь-боккхача Даьймехка тӏем тӏа, дунен хьалхарча тӏем тӏа, Российски импере ханашка лаьттача тӏемашта юкъе; деналца, майралца цӏихеза хиннача къаман биззача къонгий цӏераш, цар вахара наькъаш дайзар берашта.
Белгалде деза, иштта дола, шоай къаман истори, Даьхен сийдола къонгаш бовзийташ йола кхетаченаш кхувш латтача тӏехьенца дӏакхахьар тахан лоархӏаме долга», - дийцар «Сердалога» МКЖР. Турпалех бола дагалоаттам культураца, истореца, ӏадаташца, къаман беркатеча оамалашца бах.
Лоархӏамеча моттигех, тхьоврача хана денз хьадоагӏача исторех дийцар берашка. Теркалде деза, къонача тӏехьений иштта йолча лекцешка дукха тайп-тайпара хаттараш хулилга. Шоай даьша хьабена никъ, цар дитар довзийташ ураоттае еза къона тӏехье.
