ГӏалгӀайчен СФР даькъа болхлошта, деза совгӀат дир
ГӏалгӀай Республикан СФР даькъа болхлошта белгалон совгӀат дир «Россе Социальни Ганза болх дика лелабарах», яхаш, дийцар «Сердало» газетага цу моттига зарбан болх лелабераша.
«Из лаьрххӀа йола кхетаче дӀахьош хилар ГӏалгӀайче гӀолла йолча СФР даькъа кулгалхо Йовлой Зубейра. Цо, Россе Социальни Ганза урхаллен кулгалхочун Чирков Сергея цӀерагӀа баркал оалаш дола совгӀат делар дукхача шерашка къахьегаш хьабоагӀача болхлошта», - аьлар хоамо.
Сергей Александровича яхачох, ткъаь пхиъ шу - из духхьала таьрахь хинна Ӏац, из дӀаьхача шерашка дукха баь болх ба, ший хьинар кхо ца деш, наьха вахар тоадара даькъ тӀа. Цу дукхача шерашка уж боккъонца бола говзанчаш хилар, мах баь варгвоаца берригача балха дикал йолаш. Цо лоархӀ, отделене болхлоша юкъедена балха дакъа мах баь варгвоацаш да.
Оаха а хьаллоац Чирко Сергей Александровича дешаш, цунца цхьана баркал оалаш, бӀаьшерен диълагӀа дола дакъа балха дӀаденнарашта. Шун мутӀахьа хилар, балха говзал лакха хилар, хьаькъал - из да вай мохк чӀоагӀбеш дар», - аьлар Йовлой Зубейрас.
