Зуламхой лохача болхлоша наьха ахча дихьар хьалаьцар
13.04.2024 00:47
ГӀалгӀайчен зуламхой лохача болхлоша хьалехар, тийшача балхах нахагара 60 эзар сом дихьа хинна кхалсаг. Цо даь зулам дӀалоархӀаш да Россе УК 159 статьяца, яхаш, дийцар «Сердало» газетага ГӀалгӀайче гӀолла йолча Россе МВД зарбан болх лелабераша.
«ГӀалгӀай Республике гӀолла йолча МВД зуламхой лохача урхаллен болхлоша, хьем боаццаш тохкама болх дӀахьош, хьа а леха, МВД хьайоалайир, социальни ахча хьахьожадеш деза, аьнна, тийшача балхах нахагара 60 эзар сом дихьа хинна кхалсаг.
Цунга, Ӏаьдал кхайкача хьатӀайоагӀаргйолаш, каьхата кулг яздайтар», - аьлар тхога хоам баьчо.
