Хицара кхоачамбоацараш дувцаш, кхетаче дӀахьоргья ГӀалгӀайчен УПЧ
06.08.2025 15:12
ХьатӀадоагӀача оршот дийнахьа итт сахьатагара делкъийна сахьат даллалца, бахархой тӀаийбу ди дӀахьоргда мехкарча УПЧ. Цига дувцаргда тахан хица дувзаденна долча кхоачамбоацарех. Кхетаче дакъа лоацаш хургба ЖКХ оагӀон болхлой, ГУПа « Республикерча хин гӀулакхех ЦаӀ вола оператор».
«Тахан оттаяь латтача бокъонашка хьежжа, тохкаргда наха тӀадена хаттараш. Цига хьатӀа воагӀача сагага паспорт хила деза. Ше тӀадена хаттар каьхата тӀа яздаь чуделча дикагӀа хургда», - дийцар «Сердало» газетага мехкарча УПЧ.
Наха тӀаденача хаттарех цхьаккха ца тохкаш дусаргдац. РФ лелача бокъонашка хьежжа доашхаргда шедар.
Хица дувзаденна мел долча хаттарашта, жоп лургда бахархошта.
