КӀимарса бетта 8-ча дийнахьа Ӏуйрийна, «Служба 112» оалача моттиге хоам бера Эбарга-Юрта Международни урам тӀа вахача сагагара; жӀале кӀазилг начӀас дӀаухача чудежад, аьнна. «Эршен» ПСО болхлой цу моттиге хьакхаьчар, шоашца новкъостал дара эшаш бола гӀирс а бахьаш, атта хьалдаьккхар жӀале кӀазилг.

Цу дийнахьа кхыча цу юрта яхаш йолча кхалсагагара хоам бера: Чапаева урам тӀа цу тайпарча кӀоаг чу циска кӀориг чудежад, аьнна. Бакъда из хьакораданзар», - йоах хоамо.

Ше хьалдаьнна хила а мег из цу чура. Нах тӀахьех лоралуш хилара, моллагӀа йола моттигаш дӀакъовлара, кӀоагаш дийлла цадитара, иштта чоалхане хьал нийсделча сиха хоам бара.