ГӏалгӀайчен хатар дӀадерзаду болхлой фецарча е фордацарча тӀемхой говзал Ӏомаеш хилар
Маьтсела бетта 19-ча денгара 22 денга кхаччалца, Шолжа кхален Галашка дешара-Ӏомабалара майдан тӀа «Арахецар» яхача программах десанта кийчо дӀайихьар «ГӀалгӀай» лахара-кӀалхарваккхара тоабан болхлошта лаьрхӀа, царна юкъерча виъ сага сертификаташ делар, вертолёта тӀара чукхоссавалара кийча волча болхлочоа луш дола, яхаш, дийцар ГӏалгӀай Республике гӀолла йолча МЧС ГУ.
«Цу тайпара болх ховш хилар эшаш да лахара, кӀалхарваккхара операцеш халача моттигашка дӀахьош хилча. Таханарча технологеша таро лу авиацен транспорт лелае, гаьнарча моттигашка гӀо де болхараш дӀабига, лаьтта гӀолла тӀакхача йиш йоацача моттигашка. Белгалду, деррига декхараш дика кхоачашдир нах кӀалхарбоахачар, авиаци лелаяра шоаш кийча хилар гойташ бар пилоташ, чоалхане хьал дӀадерзадеча моттиге», - аьлар ГӏалгӀайчен МЧСе.
Белгалду, цу дешара гулламе ГӏалгӀайчен викалаш санна кхыбараш а бар дакъа лоацаш, уж бар Эльбрусски,Ставропольски,Къаршой-Черсий, Нохчий мехкашкарча Россе МЧС кхерамзле Ӏалашъеча тоабашкара.
