Берашта цхьацца хьехамаш дир МЧС болхлоша
13.08.2025 09:54
Берашта кхерамзлен хьалаца дувзаденнараш хьалхадоахаш, болх дӀабихьар МЧС болхлоша «Нефтяник» яхача МагӀалбикерча берий лагере. «Тарко» яхача МЧС оагӀон тоабан доакъашхой бар цига баьхка хиннараш.
«Хин юхекхаьчача лораде дезараш хьалхадаьхар берашта. Хи чу вахача сага эггара хьалхара гӀо мишта де деза дӀахьекхар цар. Цу оагӀонцарча хатара юкъе нийсделча, фу де деза Ӏомадир бераша, чӀоагӀа раьза долаш», - дийцар «Сердалога» МЧС болхлоша.
Берашта хьалхадаьккхар, моллагӀча тайпара хатар ийккхача, хье ца луш, Ӏалаьмате чехка «112» номерах телефон дӀатоха езилга.
Иштта йола кхетаченаш дӀакхахьаро, берашта юкъе боккха пайда боаржабу, цудухьа МЧС болхлоша каст-каста дӀакхухь тайп-тайпарча моттигашкарча берашца цу оагӀонцара болх.
