Магӏалбикерча шахьара суда гӏишлон чу, кийчон болх дӏахьош хилар
Шахьара суда гӏишлон чу, цӏаьхха, цӏерцара хатар даьржа болх хуле мишта хьовза беза гойташ, болх дӏахьош хилар вай мехкарча МЧС къахьегамхой. ПСО «Тарко» яхача оагӏон цӏи яьлча оарцагӏъухараш бар цига гулбенна хиннараш.
«Цӏерцара хатар даьржа болх хуле, эггара хьалхарча оагӏонца фу де деза дӏагойтар дар лоархӏаме. Къаьстта терко йир лозабаьрашта гӏо дара моттига. Кӏурах йикъа латтача гӏишлон чура нах арабаьха, лорашка дӏабала безаш бар МЧС болхлой. Иштта, цӏи яьнна болх хилча, корзагӏбаьнна, беха ца а хьувзаш, цу гӏулакха лаьрхӏа йолча моттиге гӏолла аравала везилга белгалдир цига», - хоам бу «Сердалога» МЧС болхлоша.
Белгалде деза, иштта бола кийчон болх дӏакхахьар геттара лоархӏаме долга. Моллагӏа хатар ийккхача, ха ца йоаеш, ма хулла сихагӏа шоай гӏулакх боаггӏача боараме чакхдаккха йиш хул МЧС болхлой, деррига шаьрдаь хилча.
